Fyri jól var 56 ára gamli sangarin í rockbólkinum Iron Maiden, Bruce Dickinson, til regluliga læknakanning, og tá fann læknin ein krabbavøkstur á tunguni á sangaranum.
Síðani hevur Dickinson verið í viðgerð og hevur fingið bæði kemo- og geislaviðgerð í sjey vikur.
Útlitini hjá Dickinson eru góð, og læknarnir rokna við, at hann fer at koma heilt fyri seg innan tveir mánaðir.
