Skjótt fáa sosialu miðlarnir Instagram og WhatsApp eitt ískoyti í navni hjá sær, so tað verður munandi longri. Facebook hevur átt bæði Instagram og WhatsApp síðan 2012, og hetta kemur nú týðiligari til sjóndar.
"Instragram from Facebook" og "WhatsApp from Facebook". Soleiðis koma sosialu miðlarnir at eita í framtíðini, sambært Business Insider.
Føroyingar brúka í øgiliga lítlan mun WhatsApp, men uttanlands er hetta ein sera nógv brúkt app at ringja og samskifta við. Harafturímóti eru føroyingar stórbrúkarar av Instagram.
Men vanligu brúkararnir fara ikki at síggja nakran mun á telefonini, tí her fara appirnar enn at eita tað sama. Longru nøvnini koma tó til sjóndar á App Store og í øðrum formellum sambondum.
