Ingibjørg Olsen og liðfelagar hennara í ÍBV eru nú næstfremst í bestu íslendsku hondbóltsdeildini.
ÍBV vann í kvøld frálíkan 22-18 sigur á Stjørnuni á útivølli. ÍBV legði hart út, og var á odda 7-0 áðrenn Stjarnan svaraði aftur. Í steðginum var støðan javnleikur 9-9.
Ingibjørg skoraði trý mál fyri ÍBV.
ÍBV er nummar tvey í deildini við 18 stigum, einum stigi færri enn oddaliðið, Valur sum er fremst við 19 stigum.
Leygardagin klokkan 14 verður føroyingauppgerð úti á Heimey, tá ÍBV tekur móti Natasju Hammer og hennara liðfeløgum í Haukum.
