Tað var sera tætt og spennandi, tá ið dreingirnir kappaðust í barnaróðrinum.
Aftur hesaferð var tað Ingibjørg úr Havnar Róðrarfelag, sum vann kappróðurin millum dreingir í barnaróðrinum.
Einasti stóri avbjóðarin var Firildur av Tvøroyri. Hesir báðir bátarnir fóru undan øllum hinum. Í endaspurtinum vóru teir stavn um stavn, men í síðstu tøkunum vóru fleiri knotur í havnardreingjum, sum fóru fyrstir um málið.
Harvið vann Ingibjørg fyri sjeyndu ferð og hevur tískil fult stigatal.
FM heitið hevði Ingibjørg tryggjað sær undan ólavsøku, og nú vunnu óføru havnardreingirnir eisini ólavsøkuróðurin. Tað fær ikki verið betri hjá ungu og knáu manningini.
1. Ingibjørg 2.51.40
2. Firildur 2.52.01
3. Tjaldrið 2.55.08
4. Falkur
5. Ternan
6. Beinta
7. Knúkur
8. Svalan
9. Jallurin
10.Ørnin
11.Silja
FM úrslitið
1. Ingibjørg (FM) 35
2. Firildur 28
3. Tjaldrið 27
4. Falkur 24
5. Jallurin 17
6. Beinta 12
7 Ternan 7
8 Svalan 7
9. Knúkur 1
