Í morgin, leygardagin hin 11. november, verður 40-ára føðingardagur hjá skúlanum á Fossánesi.
Dagurin verður hildin seinnapartin í morgin frá klokkan 14 til 17, og her verður ymiskt á skránni.
- Skúin verður opin. Møguleiki verður at hyggja seg um á skúlanum, og øll eru hjartaliga vælkomin.
Tað siga tey í Hvannasunds kommunu.
Á skúlanum verða myndaframsýningar frá árunum 1983-2023, og hesar verða at síggja á stóru telduskíggjunum inni í flokshølunum og í felagshølinum.
- Lætt ábit, kaffi, te og sunkist verður at fáa í fimleikarhøllini.
Klokkan 15 í morgin verða røður, felagssangur og sangframførsla hjá skúlakórinum í fimleikahøllini.
Í Hvannasunds kommunu bjóða tey øllum at vera hjartaliga vælkomnum til hátíðarhaldið, nú skúlin á Fossanesi hevur 40 ár á baki.
