Ein bussur við fleiri fólkum hevur koyrt út av einari brúgv nærindis italska býnum, Venesia.
Borgarstjórin í býnum, Luigi Brugnaro, váttar sambært italsku ávísini, La Repubblika, at talið av deyðum í minsta lagi er 20.
Sagt verður, at fleiri onnur, sum vóru í bussinum, hava fingið løstir í herviligu vanlukkuni.
Varaforsætisráðharrin í Italia, Matteo Salvini, skrivar á X, fyrrverandi Tvitter, at tankar hansara eru hjá offrunum og teimum, sum stríðast fyri lívinum.
Matteo Salvini er eisini ráðharri fyri undirstøðukervinum og flutningi í Italia.
Bussurin datt omanyvir nøkur jarnbreytarspor, og jarnbreytarleiðin millum býin, Mestre og Venesia, liggur í løtuni lamin.
Dagføring:
Ávísin, La Repubblica, hevur nú dagført talið av deyðum til 21 og sigur, at talið av løstaðum í minsta lagi er 12.
Myndir vísa eitt bussvrak, sum liggur á takinum undir einari brúgv, og at síggja til hevur eldur verið í bussinum.
Italskir miðlar vita at siga, at fallið út av brúnni og niður á jarnbreytarsporini var 10 metrar.
##med2##
##med3##
##med4##
