Lív Næs hevur gjørt videolag til sangin Grind, av fløguni Keldurfar, ið hon gav út í fjør.
Lagið Grind, er gjørt til eina serliga yrking hjá abba Lív, Johannes Andreas Næs, ella Flóvin Flekk. Serligt er, at hon nærum bert er skrivað við lýsingarorðum.
Hóast grindadráp er eitt tað mest umstrídda málið, tá tað snýr seg um Føroyar og umheimin, hevur Lív valt at lýsa hetta í sínum videolagi, tó eru tað bert heilt skjót klipp av myndum av hvalum, ið liggja skornir á háls, ið vísa sjálvt drápið, restin er av einari bátsmanning, ið rør og man sleppur at ímynda sær drápið.
Á youtubesíðuni hjá Lív greiður hon frá, at videolagið er ikki ælta at øsa ella kritisera, men heldur bara at lýsa ein part av okkara siðsøgu. Tað kann tó tykjast eitt sindur margháttligt, at man so velur at kiippa myndirnar av hvalum, ið eru skorðnir á háls, inn á ein hátt, har tær blinka heilt skjótt inn, og sostatt hava størri sjokkeffekt filmiskt.
Tað er Rani Petersen, ið hevur leikstjórna videolagið, ið sæst omanfyri.
