Í dag, hósdagin, 27. oktober, letur Páls Høll í Vági upp aftur fyri almennari svimjing, og nú verður opið aftur sum vanligt.
Tað siga tey í Vágs kommunu í dag, og um heimasíðuna - www.vagur.fo - ber eisini til at síggja upplatingartíðirnar í høllini.
Páls Høll hevur baðiland við heitum barnahyli og vatnrussjibreyt, og her er eisini, sum flestum kunnugt, 50-metra langi hylurin.
Umframt góðu umstøðurnar at svimja hjá vaksnum og børnum, er eisini venjingarmiðstøð og vælverudepil í Páls Høll.
Í vælverudeplinum er sauna til kvinnur, og her er sauna til menn, dampbað og tvey uttandura gosbað, og í høllini er eisini kafé.
