Datt yvir eitt lesarabræv um covid 19 á Portal.fo.
Ein lækni - Jenny í Jákupstovu - helt, at vit vóru farin alt ov langt í okkara royndum at fyribyrgja covid 19.
Eitt sjónarmið!
Hoyrdi so nú í morgun sjálvan aðalstjóran í WHO koma við einari áheitan um ikki at savnast í størri bólkum nú á jólum.
Tí sum hann segði:
“Tað er betur at avlýsa eina veitslu, enn at avlýsa eitt lív”.
Nú standi eg í hesari støðu:
Skal eg lurta eftir WHO og teirra túsundtals serfrøðingum, ella skal eg lurta eftir einum rættiliga nýklaktum lækna Jenny í Jákupstovu?
Sjálvandi velji eg Jenny!!
Har er alt sum týður uppá, at hon er vísari enn allir teir túsundtals serfrøðingar sum ráðgeva heimsins stjørnum í COVID19 málum!!
Signar P. Dam fyrrverandi kommunulækni
