Toffee Finger - Barnsligi
Tær dámar formin á hesi karamellu. Hon er løtt at tyggja, og stuttligt er at bíta sjokulátuna av, áðrenn karamellan verður etin øll, sum hon er.
The Purple One - Inbundni
Tær dámar sjokulátu og karamell, men velur hesa tí at hon hevur eitt yvirraskilsi innast - nøtin. Tú velur ikki tað einfalda.
Toffee Penny - Peningaligi
Vónandi hevur tú sterkar tenn, tí hetta er ein plombuúttrekkjari. Karamellan er seig og vælumtókt. Minnir ikki sørt um at tyggja uppá eina 20-krónu.
The Green Triangle - Bleyti
Tey, sum hava forlornar tenn og pinkubørn, velja nokk hesa. Einføld og bleyt - á markinum til tað keðiliga.
Caramel Swirl - Hálvvaksin
Tú er kanska vaksin frá Toffee Penny, men er ikki rættuliga til reiðar at kasta teg yvir Orange Cream. Caramel Swirl er eitt gott millumting.
Milk Choc Block - Fýrakantaði
Tú trívist við føstum rammum. Hesa karamelluna hevur tú etið í nógv ár og ætlar tær at halda á fram við tí, hóast at tú er rættuliga einsamallur um tað.
Coconut Éclair - Ævintýrari
Tær dámar tað søta og góða her í lívinum. Ferðin gongur kanska til tropisk paradís, tá tú fer av landinum. At kokos er sera fitandi leggur tú ikki petti í.
Toffee Deluxe - Lívsnjótari
Tú er uppvaksin við Toffee Finger og Penny, men tær báðar eru vorðnar ov barnsligar og einfaldar. Nú krevur gómin nakað meir.
Orange Crunch - Sunni
Tær dámar best mandarinir, men tá tær eru uppetnar, og hevur tú hug á onkrum, er tað karamellan við apelsinsmakki, sum nokk er tann sunnasta hóast alt.
Strawberry Cream - Torføri
Jarðberja krem í myrkari sjokulátu. Tú er vaksin, troytt av einføldum toffee og mjólkasjokulátu. Tú trívst best millum jól og nýggjár, tá tað einasta, sum er eftir í eskuni, er tín favorittur.
Orange Cream - Vaksni
Tú hevði allarhelst viljað havt eina heila esku við bara Orange Crunch og Cream. Tað skal smakka eitt sindur súrt og beiskt.
Vanilla Fudge - Nýtonkjari
Tú gleddist, tá tú lat eskuna upp og sá at onkur endiliga hevði funnið uppá okkurt nýtt. Enn er tú rættuliga einsamallur um at hava uppdagað hesa karamelluna.
