Hvør hevur landsins flottasta yvirskegg - borið fram við stíli og sjarmu? Mikudagin 25. juli 2012 er Tom Selleck yvirskeggakapping í Sirkus. Hetta er annað árið, at kappingin verður hildin í Føroyum.
Nú er komið enn eitt sera skemtingarsamt innslag í náttarlív í Havnini. Menn skulu nú dystast um hvør hevur vakrasta yvirskeggið í landinum.
Tom Selleck er sum flestum kunnugt yvirskegga-kongurin mikli. Fyri nøkrum árum síðani byrjaðu íslendingar at finna ein árligan líka í sínum landi við stási og geilan í Sirkus í Reykjavík. Í fjør byrjaði Sirkus Føroyar at bera tradisjónina víðari við at finna mest stórslidna yvirskeggið í Føroyum.
Vinnarin í 2011 gjørdist Bjartur Dal-Christiansen við síni massivu, væl trimmaðu yvirvarra-máttu.
Vertur til Tom Selleck kappingina 2012 er Finnur Koba.
Les meira á Facebook síðuni her:
www.facebook.com/events/346195185449519/
