Í hvønn krók á Norður­landinum

ÍSLANDSFERÐ

Um mánaðaskiftið juni-juli í ár verður ein spenn­andi buss­ferð um Norð­urlandið í Íslandi.
Norrøna Felagið í Før­oyum skipar fyri, og ferða­leið­ari verður svenska Nanna Her­mans­son, sum tos­ar føroyskt, og ofta hevur skip­að fyri ferðum á júst hes­um leið­um.
Farið verður við Norrønu á Seyðisfjørðin mikudagin 27. juni og ferðalagið verð­ur aftur í Havn fríggjadagin 6. juli.
Nógv støð verða vitjað, millum annað Løgurinn, Háls­lón, Kárahnjúkar, har sum nógv umstrídda byrg­ingin er gjørd, Skriðu­klaust­ur, Hall­orm­staður, Egils­stað­ir, Detti­fossur, Ásbyrgi, Húsavík, Akureyri, Ólafs­fjørður, Siglufjørður, Hólar, Hófs­ós, Skagafjørður, Sauðár­­krókur, Tindastóll, Varma­hlíð, Varmalækur og Seyðisfjørður.
Vitjað verður á søvn­um, millum annað silda­savni­num og á fólka­laga­stovni­num á Siglufirði, listasavni­num á Akureyri, bygda­savnin­um í Skaga­fjørðinum. Og hestasýn­ing verður í Varmalæk.
Og fyri ikki at tosa um vøkru náttúruna og ljósu næturnar. Ljóst er alt sam­døgrið.
Harafturat er møguleiki at svimja hvønn dag.
Av tí at ferðaleiðarin kenn­ir nógv fólk á støð­un­um, vitjað verða, fær ferða­lagið fleiri uppliv­ing­ar enn onnur, sum ferð­ast á hesum leiðum.