Býráðslimir í Havn hava givið ilt av sær, tí teir halda, at kommunan noyðist at rinda tí almenna ov nógv fyri byggilendi. Tað er Búnaðargrunnurin, sum eigur lendi, og tá kommunan ger eina útstykking, má hon keypa lendi frá Búnaðargrunninum. Býráðslimir í Havn hava sagt, at tað líkist svarta ongum, at landið mergsýgur barnafamiljur í Havnini við at virðismeta lendið í Suðurstreymi hægri enn aðrastaðni í landinum.
Regin Ingolfsson Jacobsen, afturvísir tó hesum atfinningunum. Hann heldur ikki, at hundurin liggur grivin hjá Búnaðargrunninum.
Regin Ingolfsson Jacobsen vísir á, at meðan kommunan selur grundøki fyri 1.170 krónur fermeturin, keypir hon tey frá Búnaðarstovuni fyri 89 krónur fermeturin.
- Sjálvandi er nógvur annar kostnaður í sambandi við at gera eitt stykki byggibúgvi, men tað er ikki í prísinum, kommunan rindar Búnaðarstovuni, at hundurin liggur grivin, og sum ger tað, at stykkini eru so dýr at selja borgarum at byggja á, sigur hann.
Les meiri um málið í Sosialinum, sum varð borin í hvørt hús í dag. Har stendur eisini at lesa, hvat peningurin hjá Búnaðargrunninum verður nýttur til.
