Vápnaðir menn hava burturflutt fleiri hundrað skúladreingir og nakrar av lærarunum teirri miðskeiðis í Nigeria.
Tað upplýsir ein embætismaður og ein trygdarkelda fyri tíðindastovuni AFP í morgun.
Álopsmenninir vóru í hermannabúnum, tá teir seint í gjárkvøldið lupu á lestrarbústaðin í bynum Kagara, har næmingarnir búgva. Síðani vórðu næmingarnir førdir inn í ein skóg í økinum, upplýsa keldurnar.
Í skúlanum ganga um 1.000 næmingar. Tað er ógreitt, hvussu nógvir av teimum vórðu burturfluttir.
Burturflytingin fór fram um tveir mánaðir eftir, at ein líknandi hending fór fram í desember í 2020.
Har vórðu 300 skúladreingir burturfluttir úr eini bygd í norðrara partinum av Nigeria. Í tí sambandinum segði jihadistabólkurin Boko Haram seg standa aftanfyri.
Enn hevur eingin tikið ábyrgdina av burturflytingini.
/ritzau/
