Hummari og alilaksur ólíka fyri lógini

Kári Thomsen
-----
Ólíka fyri lógini - kann í stórsta mun sigast um tað viðferð humaravinnan á Árnafirði hevur verið fyri. Skilt er at kært hevur verið til Vinnukærunevndina og til Løgtingsins umboðsmann, har hvørgin av hesum stovn­um kundu geva viðhald í kæruni at verða tvungin at flyta av hummaraøkinum. Nýtsla av diflubenzuron til lúsaviðgerð oyðir hummara langt burturi frá aliøkinum - heilt út í 1 kilometur frá­støðu. Hetta er staðfest í Noreg, og má roknast við at Heilsufrøðiliga Starvsstovan veit um hetta, og at slíkt tí ikki kann heimilast sam­bært Umhvørvirlíogini, kapi­tul 5 fyri serstakt dálk­andi virksemi, afturat at løg­tings­lógin um aling av fiski ikki loyvir aling um hon stríðir ímóti løgtingslógini um náttúru­friðing. Alilóg­in sigur eisini greitt, at áhuga­málini í økinum (Árnafjørður) skulu avvig­ast í mun til:
1) tørvin hjá umsøkjaran­um
2) møguliga nýtslu av økin­um til annað alivirksemi
3) aðra nýtslu av økinum
4) verndaráhugamál ann­ars smb.§11 um náttúruru­frið­ing, fornminni o.a.

Tá tað er staðfest at humm­araveiði ikki kann fremjast har aling er innan fyri ein kilometur, kann Bakkarfrost - sæmbært lógini um al­ing av fiski - heilt greitt ikki fáa loyvi at flyta sítt virk­semið, soleiðis sum nú er gjørt. Heilsufrøðiliga Starvs­stovan hevur enntá referansu til norskar royndir av slíkum. Og víðari lúkur humm­ara­veiðan øll krøv til burðar­dygt virksemið, og tað ger ali­vinnan tvørturimóti á ongan hátt.
Hummaravinnan á Árna­firði eigur at biða Vinnu­kæru­nevnd­ina og Løg­ting­sins Umboðsmann at við­gera kæruna av nýggjum, tá greiðar upplýsingar frá Noreg vísa, at hummaraveiða ikki kann fara fram har aling er, og at hetta heilt greitt ikki er í samsvar við ásetingar í lógini um aling av fiski. Eitt burðardygt virksemið er frammaundan á Árnafirði, og tí kann eitt annað virksemið, ið enntá ikki er burðardygt, dálkar umhvørvið illa, og er beinleiðis oyðandi fyri tað virksemið, ið er á stað­num, ikki fáa ein framíhjár­ætt. Tað sigur eitt hvørt van­ligt vit og skil - og eiga hummara­menninir á Árnafirði tí ein greiðan frámíhjárætt at hava sítt virksemið á fjørðinum. Varð rætt atborðið, fekk Bakkafrost boð at avrigga sítt virksemið á Árnafirði, tá tað er skaðiligt fyri humm­ara­veiðuna og annars alt lív­frøðiliga margfeldið á fjørð­inum.