Tórshavnar býráð boðar frá, at í sambandi við fyrireiking til hosufóðring av kloakk í Fr. Petersens gøtu, verður heitt á bilførarar um at vísa varsemi meðan arbeiðið fer fram í kvøld 21. august frá kl. 21 til 23.
Tórshavnar kommuna hevur hosufóðrað kloakkir í nøkru ár. Tá tað verður gjørt verða kloakkirnar umvældar innanífrá.
Á henda hátt slepst undan at grava vegir, gongubreytir og annað upp.
Nakrar kloakkir í kommununi eru umvældar við hosufóðring, og tað hevur eydnast væl, hava tey á býráðnum í Havn áður greitt frá.
Tá ið kloakkir verða hosufóðraðar, sleppur kommunan undan stríðnum at grava, fylla í aftur og asfaltera. Hetta sparir kommununi nógva tíð og pening, umframt at borgarin sleppur undan, at vegir verða grivnir upp í longri tíðarbil.
##med2##
Arbeiðið at hosufóðra ber í sær, at stórar og langar "hosur" - upp í fleiri 100 metrar – verða lagdar inn í rørini.
Hosan verður vatntett og blást inn í rørini.
Síðani stadnar hosan, og eitt spildurnýtt plastrør er soleiðis bygt undir jørð.
