Hevur tú nakrantíð undrast yvir, hvussu FCK-mennir fótbóltsleikarar? Svarið er í stóran mun at finna í Horst Wein háttalagnum, sum snýr seg um at menna fótbóltsleikarar gjøgnum refleksiva læring. Á hendan hátt taka leikararnir ábyrgd fyri egnari menning heldur enn, at venjarin fortelur teimum, hvat teir skulu hugsa og gera.
Til Horst Wein stevnur verður dystast á ein øðrvísi hátt enn til vanligar dystir. Vit kunnu lova ein stuttligan og læruríkan fótbóltsdag, har hvørt lið spælir í minsta lagi fýra dystir. Ljóðar hetta áhugavert? Fá so fatur á tínum liðfeløgum og melda til á ab(at)ab.fo í seinasta lagi týsdagin 24. apríl.
Tað verða ongar medaljur og einki steyp. Bara fótbóltur og stuttleiki. Kostnaðurin er 50 kr. fyri hvønn leikara.
Fyri meira upplýsing um, hvussu spælt verður, sí video DBU: https://www.dbufyn.dk/.../horst-wein-staevner-4.../
Karmar fyri "Horst Wein" stevnuna:
Spælt verður á bana við 3. leikarum á hvørjum liði. Hvørt lið kann hava tríggjar eykaleikarar. Tó spæla U9 og eldri við fýra leikarum í senn og kunnu hava tveir eykaleikarar. Tað er frí inn/útskifting. Vit spæla uttan málverja.
Vøllurin er næstan líka breiður, sum hann er langur. Á hvørjari baklinju eru tvey smá mál. Hetta merkir, at tykkara lið skal verja tvey mál, men hevur eisini tvey mál at skora í.
Vøllurin:
- U7 og U8: 20m breiður (12 m millum málini) og 25 m langur.
- U9, U10 og U11: 25 m breiður (12 m millum málini) og 30 m langur.
Dystir:
- U7 og U8 spæla við trimum leikarum inni í senn. Dystirnir eru 12 min. hvør – Pláss er fyri í mesta lagi 20 liðum.
- U9, U10 og U11 spæla við fýra leikarum inni í senn. Dystirnir eru 15 min. hvør – Pláss er fyri í mesta lagi 15 liðum.
o U9, U10 og U11 kunnu melda til ein A bólk ella ein B bólk, alt eftir hvat støðið leikararnir eru.
- Liðið, sum stendur sum heimalið leiðir dystin.
Tilmelding:
Tit gera eitt lið við í mesta lagi seks leikarum og finna eitt liðnavn. Síðani senda tit teldupost til ab@ab.fo við evninum ‘Tilmelding til Horst Wein’. Viðmerk árgang og navn á liði, umframt navn og telefonnummar hjá kontaktpersóni.
Rinda við at flyta 50 kr. fyri hvønn leikara innan tann 22. apríl. Kontan er 6460-181.840.8. Viðmerk árgang og liðnavn. Eftir hetta er tilmeldingin bindandi, og peningurin verður ikki afturgoldin.
