Úrslitið í grannauppgerðini seinnapartin var 28-28.
Hóast Finnur Hansson og Heini Hanusarson vóru støðugir skjúttar og skotið átta mál hvør, fall Kyndil ikki í fátt. Grønu havnarmenninir stríddust væl og spældu fult upp ímóti greipuvinnarunum.
Rúni Johansen skeyt flest mál fyri kyndil Hann fekk seks mál.
H71 greiddi sína skyldu, tá Team Klaksvík vitjaði í Hoyvík. Heimaliðið var við yvirlutan og noyddist ongantíð at spæla við fullari megi.
Løtan í høllini var eisini rokmikil, tí bæði H71 og Team Klaksvík fingu beinleiðis reytt kort, umframt nógvar útvísingar.
Úrslitið var 32-20 til H71.
KÍF kom aftur á beint seinnapartin. Seinastu tvær royndirnar høvdu kollfírðingar ikki fingið fult. Í dag eydnaðist betur, tá teir vunnu 20-19 á StÍF.
Úrslitini í dag:
Kyndil - Neistin 28-28
H71 - Team Klaksvík 32-20
KÍF - StÍF 20-19
Stigatalvan:
1. Neistin, 11 stig (6 dystir)
2. KÍF, 9 stig (6 dystir)
3. Kyndil, 7 stig (6 dystir)
4. H71, 6 stig (5 dystir)
5. StÍF, 4 stig (6 dystir)
6. VÍF, 3 stig (5 dystir)
7. Team Klaksvík, 0 stig (6 dystir)
