Sponsku europa- og heimsmeistararnir eru ikki longur nummar eitt á heimsstyrkilistanum hjá FIFA. Holland hevur yvirtikið fyrstaplássið, meðan Føroyar flyta eitt pláss upp, og eru nú nummar 111.
Tað sæst á nýggja FIFA-listanum, sum felagsskapurin hevur kunngjørt í morgun.
10 tey ovastu londini eru hesi:
1: Holland (+1)
2: Spania (-1)
3: Týskland (0)
4: Ongland (+2)
5: Uruguay (0)
6: Brasilia (-2)
7: Italia (+1)
8: Portugal (-1)
9: Argentina (+1)
10:Kroatia (-1)
Ovasta norðanlandið er Noregi, ið varðveitir sítt 12. pláss, Svøríki er nummar 18, sum er eitt pláss betri enn seinast, meðan Danmark stendur í stað á 21. Plássi.
Føroyar fara eitt pláss upp til 111, meðan Wales er nummar 117 og Ísland nummar 124. Wales er fallið fimm pláss og Ísland trý.
