Tað er ein spennandi kapprenning millum liðið hjá landsliðsmálverjanum, Paula Jacobsen, HØJ og liðið hjá Teis Horn Rasmussen og Peter Krogh, Aarhus um at vinna fremsta plássið í grundspælinum í næstbestu donsku hondbóltsdeildini. Teimum á baki kemur Skive. Fremsta plássið aftaná lokið grundspæl gevur beinleiðis uppflyting til bestu deildina.
Pauli Jacobsen og liðfelagarnir í HØJ hildu í dag fast í fyrsta plássinum við teprum 29-28 sigri á Rækker Mølle á útivølli. Í steðginum var HØJ á odda 16-15.
Aarhus uttan Teis og Peter Krogh, ið eru uttanfyri við skaða vann á heimavølli stórsigur 32-20 (15-10) á HC Midtjyllandi.
Bogi Hansen, Leivur Mortensen og Janus Dam Djurhuus skutu eitt mál hvør, tá teir og liðfelagarnir í FIF vunnu 32-26 (17-11) á Faaborg á útivølli.
Við sigrinum er FIF fýra stig omanfyri niðurflytingarstrikuna.
Støðan:
| Nr. | Lið: | Dystir | Stig |
|---|---|---|---|
| 1 | HØJ | 20 | 37 |
| 2 | Aarhus HC | 20 | 35 |
| 3 | Skive | 20 | 33 |
| 4 | HC Midtjylland | 20 | 24 |
| 5 | Lemvig-Thyborøn | 19 | 24 |
| 6 | Tønder | 19 | 20 |
| 7 | FIF | 20 | 18 |
| 8 | Rækker Mølle | 20 | 16 |
| 9 | Odder | 20 | 15 |
| 10 | HC Odense | 20 | 15 |
| 11 | Team Sydhavsøerne | 20 | 15 |
| 12 | Norddjurs | 20 | 14 |
| 13 | Faaborg | 20 | 8 |
| 14 | Roskilde | 20 | 4 |
