Mikudagin spældu kvinnulandsliðini hjá Íslandi og Grønlandi sínar seinastu dystir í hesum HM-endaspælinum í hondbólti.
Tað eydnaðist íslendsku kvinnunum, ið eru í sama EM-undankappingarbólki sum Føroyar at vinna Presidents Cup - Forsetasteypið, tá tær í finaluni um 25. plássið, ið eisini var finalan um Presidents Cup vunnu 30-28 á Kongo. Í steðginum var støðan javnleikur 14-14.
Fyri íslendsku kvinnurnar var talan um eitt gott plástur á sárið, tá tær ikki vunnu seg víðari til ovara millumspælið.
Grønland endaði aftast í HM kappingini. Grønlendsku kvinnurnar taptu 23-28 fyri Iran í dystinum um 31. plássið. Í steðginum var støðan javnleikur 12-12, men tað lá ikki líka væl fyri hjá Grønlandi í seinna hálvleiki. Grønland spældi sjey dystir í HM-endaspælinum, og tapti allir sjey dystirnar.
Her ber til at síggja samandráttin hjá altjóða hondbóltssambandinum frá dystinum millum Ísland og Kongo:
##med2##
Her ber til at síggja samandráttin hjá altjóða hondbóltssambandinum frá dystinum millum Grønland og Iran:
##med3##
