Marin Katrina Frýdal, býráðslimur í Havn, fekk ikki viðhald frá Kommunala eftirlitinum, tá ið hon klagaði borgarstjóran, Heðin Mortensen.
Tá ið Tórshavnar Kommuna samtykti fíggjarætlanina fyri í ár, gjørdi Marin katrina Frýdal vart við, at sum so tók hon undir við fíggjarætlanini, men hon vildi kortini fáa nakrar viðmerkingar í fundarbókina um, at hon vildi hava onkrar broytingar.
Kommunala eftirlitið staðfestir, at býráðslimir hava rætt til at fáa serligar viðmerkingar í fundarbókina. Men treytin er, at viðmerkingarnar eru í samsvari við støðuna hjá einum býráðslimi til málið, ósemja er um.
Sostatt ber ikki til at fáa eina viðmerking í fundarbókina, táið viðmerkingin er í samsvari við støðuna hjá býráðsliminum annars. |
Hinvegin hevði Marin Katrina Frýdal havt møguleika at atkvøtt ímóti fíggjarætlanini og tá hevði tað borið til at fingið tað við í fundarbókina, hví hon atkvøddi ímóti.
