Gongdin er ikki er nakað at reypa av hjá liðnum hjá Vilhelmi Poulsen í bestu donsku hondbóltsdeildini. Lemvig-Thyborøn liggur aftast í deildini við bert níggju stigum fyri 18 dystir.
Tó hevur gingist persónliga rættiliga væl hjá Vilhelmi higartil í hesum kappingarárinum.
Vilhelm er nummar 17 á yvirlitinum yvir leikararnar, ið hava flest upplegg (assist) til mál í bestu donsku hondbóltsdeildini. Vilhelm hevur lagt upp til 48 mál í 18 dystum.
Á yvirlitinum yvir leikararnar, ið hava skotið flest mál í bestu donsku hondbóltsdeildini er Vilhelm nummar 45. Vilhelm hevur skotið 57 mál í 18 dystum. Hann hevur sostatt skotið 3,16 mál í miðal pr. dyst.
Sambært hagtølunum hevur Vilhelm skotið hesi 57 málini upp á 102 málroyndir. Hann hevur sostatt gagnnýtt 55,9 prosent av málroyndunum hjá sær.
