Eins og undanfarin ár, hevur Føroyska Sjómansmissiónin latið sjófólkinum pakkar umborð á skipini.
Og í ár er talan um tilsamans 1.232 pakkar, sum eru latnir umborð á tilsamans 100 skip.
Av hesum 100 skipunum eru tey 30 burtur á jólum, og annars er talan um 67 fiskiskip, 16 skip í frálandavinnu, 15 handilsskip og tvey vaktarskip.
Tað er Torleif Johannesen, sjómanstrúboðari, sum stendur fyri arbeiðinum, og hann sigur, at tað var longu í oktober, at teir fyrstu pakkarnir fóru umborð.
Trýst á pílin undir myndini og hoyr Torleif Johannesen, greiða frá, hvussu tey arbeiða og syrgja fyri, at pakkar koma umborð á skipini, og um, at tey kundu brúkt nakrar fáar pakkar afturat.
