Seinasta venjingin undan landsdystinum móti Sveis í annaðkvøld hevur verið í dag. Tað eru greiðar ábendingar um, at liðið verður sum gitt í gjár.
Gunnar Nielsen er fyrstimálmaður. Verjan er sum væntað við Jónas Tór Næs (ÍBV), Atli Gregersen (Víkingur), Jóhan Troest Davidsen (HB) og Viljormur Davidsen (Velje). Tað er sama verjan sum móti Andorra. Sonni Ragnar Nattestad (Molde) er framvegis skaddur.
Les eisini: Óli stoltur og rørdur av Patriki
Á miðvøllinum vóru so Hallur Hansson (AC Horsens) og Fróði Benjaminsen (Víkingur), meðan Gilli Rólantsson (Brann) og Sølvi Vatnhamar (Víkingur) vóru á vengrunum. Í álopinum vóru so Klæmint A. Olsen (NSÍ) og Finnur Justinussen (Fremad Amager).
Hetta eru gitingar við støðið í venjingunum, sum hava verið í gjár og í dag. Lars Olsen vil bara vátta, at Jónas Tór Næs byrjar. Hann spælir sín dyst nummar 50.
