Í dag gevur 71 ára gamli Kim Larsen nýggja útgávu út. Útgávan kallast ”Øst for Vesterled”, og flestu ummælarar geva henni fýra ella fimm stjørnur í dagsins ummælum.
Serliga fær Kim Larsen rós frá ummælarunum fyri at syngja væl, hóast hann er komin væl upp í árini. Røddin er framvegis sterk og eyðkend og dugir væl at tulka tekstirnar, sum Larsen sjálvur hevur skrivað.
Tónleikurin á útgávuni er eitt bland av fólkatónleiki, poppi, country og rocki. Stundum er tað vakurt og innligt, men viðhvørt eisini øsandi og rockut.
Ummælararnir eru eisini samdir um, at Kim Larsen er trúgvur ímóti sær sjálvum og skrivar sangir í sama anda, sum hann hevur gjørt alla sínar yrkisleið.
