Tað hevur ført til ógvusligar reaktiónir frá heimssamfelagnum, at amerikanski forsetin, Donald Trump, hevur lagt toll á stál og aluminium.
Fleiri av pørtunum halda, at avgerðin kann føra til handilskríggj.
Avgerðin hjá Trump merkir, at nú verður 25 prosent tollur lagdur á innflutt stál og 10 prosent tollur á innflutt aluminium. Forsetin hevur tó gloppað dyrnar fyri møguleikanum at lata ávís útvald lond sleppa undan tollinum.
Her eru londini, sum útflyta mest stál og aluminium til USA:
Útflytarar av stáli:
* Kanada: 16 prosent
* Brasilia: 13 prosent.
* Suðurkorea: 10 prosent.
* Russland: 9 prosent.
* Mexico: 9 prosent.
* Turkaland: 7 prosent.
* Japan: 5 prosent.
* Taiwan: 4 prosent.
* Týskland: 3 prosent.
* India: 2 prosent.
Útflytarar av aluminium:
* Kanada: 56 prosent
* Russland: 8 prosent.
* Sameindu Arabisku Emiratini: 7 prosent.
* Kina: 6 prosent.
* Onnur: 23 prosent.
Keldur: Business Insider, Voice of America, CNBC.
/ritzau/
