Hesar seinastu dagarnar eru fleiri herverk framd á bussskýli í Havn.
Í farnu viku varð skýlið við Venjingarskúlan, frammanfyri bensinstøðini á Frælsinum, meira at kalla í sorli.
Hetta var ikki einasta bussskýlið sum hevði verið út fyri herverki, tí eitt stórt hol var eisini at síggja á skýlinum við inngongdina til nýggja Skúlan við Løgmannabreyt.
- Skýlini verða umvæld sum skjótast, verður sagt úr Tórshavnar kommunu.
Heitt verður á fólk um at boða løgregluni frá, um tey vita nakað um, hvør hevur ábyrgd av hesum herverki.
(mynd: torshavn.fo)
