Víkingur vann í gjár FM fyri fyrstu ferð í søguni. Tað gjørdu teir við 3-1 sigri á argjamonnum. Stóri spælarin á degnum var Andreas Lava Olsen, sum skoraði tvey av málunum og átti stóran lut í tí triðja.
Sølvi Vatnhamar legði Víking á odda í fyrra hálvleiki, tá hann var fyrstur á returin eftir brotsspark frá Atla Gregersen, sum brast í stongina. AB svaraði tó aftur við máli, sum Patrik Johannesen skoraði.
Tíggju minuttir fyri hálvleik skoraði Andreas Lava Olsen til 2-1 við skjótálopi, áðrenn sami Andreas Lava Olsen staðfesti FM við málið til 3-1 í seinna hálvleiki.
