KÍ og NSÍ spældu í dag 2-2 javnleik, tá liðini hittust í Klaksvík. Tað sá annars leingi út til, at KÍ skuldi fáa sigurin í hús, men 3 minuttir fyri leiklok javnaði nýggi NSÍ leikarin Christian Høgni Jacobsen til endaliga úrslitið 2-2.
NSÍ kom annars á odda 1-0, tá 15 minuttir vóru leiktir. Tað var Árni Fredriksberg, ið legði NSÍ á odda við góðum skotið.
Síðani eydnaðist KÍ at venda dystinum áðrenn hálvleik. Fyrst javnaði KÍ liðskiparin, Páll Klettskarð við brotssparki og 5 minuttir áðrenn hálvleik var tað Heðin Klakstein, ið legði KÍ á odda 2-1.
Her ber til at síggja hæddarpunktini frá dystinum. Tað er myndamaðurin Jóhan Thomsen, ið eigur upptøkurnar.
KÍ – NSÍ 2-2 (2-1)
0-1 Árni Fredriksberg, 15.
1-1 Páll Klettskarð brotsspark, 22.
2-1 Heðin Klakstein, 40.
2-2 Christian Høgni Jacobsen, 87.
