Tað er eyðsæð, at parkeringsviðurskiftini eru ikki av teimum bestu í Havn. Nógva staðni er trongligt og tað er ikki altíð líka væl umhugsað tá ið bilførarar seta bilin frá sær.
Hesar myndirnar hevur ein lesari tikið í morgun av Varðagøtu, har vegurin niðan í KFUK er avtaklaður við bilum.
##med2##
Bilar skulu ikki parkerast soleiðis, at tað ikki er pláss við brandbili, sjúkrabili, ella øðrum neyðsendarakførum – men her hevði verið trongligt hjá neyðsendarakførum at sloppið framat.
Løgreglan sigur, at tey eru gjørd varug við hetta í dag, men at tey hava ikki verið á staðnum enn. Tað er tó ætlanin at gera tað, sigur løgreglan.
