Síðani í februar hevur Michael Laudrup gingið arbeiðsleysur. Tá varð Michael Laudrup uppsagdur í walisiska felagnum Swansea.
Síðani tá hava nógvar søgur koyrt um framtíðina hjá Michael Laudrup, men nú er hon komin uppá pláss.
Michael Laudrup skal vera venjari á Katar, har hann skal venja meistarafelagið Lekhwiya.
Hóast Katar er heldur ókent í fótbóltssamanhangi, eru málsetningarnir stórir í oljuríka landinum. Millum annað verður Katar vertur fyri HM endaspælinum í 2022.
Avtalan millum Lekhwiya og Michael Laudrup er galdandi í eitt ár fram.
