Tað upplýsir danska vinnumálaráðið í tíðindaskrivi.
Christian Kettel Thomsen loysir av Lars Rohde sum tjóðbankastjóri. Hann fer úr starvi síðst í mánaðinum.
Christian Kettel Thomsen kemur úr starvi sum varastjóri í Evropiska Íløgubankanum. Hann hevur áður verið deildarstjóri í Forsætismálaráðnum og Fíggjarmálaráðnum.
– Christian Kettel Thomsen er ógvuliga væl skikkaður at taka við starvinum sum tjóðbankastjóri, sigur Morten Bødskov, vinnumálaráðharri, í tíðindaskrivinum.
– Hann hevur eina tryggja hond og stórar royndir við handfaring av búskaparligum og fíggjarligum viðurskiftum. Eg og stjórnin gleða okkum til samstarvið við nýggja tjóðbankastjóran.
/ritzau/
