Eli F. Nielsen hevur fingið leikbann í tríggjar dystir fyri reyða kortið, ið hann fekk í seinnu hálvfinaluni í kappingini um Løgmanssteypið, tá B36 vann 3-2 á HB.
Les eisini: òvanliga langt leikbann til HB liðskiparan
Miðvallarin fekk í dag landsliðsboð á fyrsta sinni, men við í postinum kom eisini eitt leikbann á tríggar dystir. Hann fekk beinleiðis reytt kort fyri at fella Heðin Hansen miðskeiðis á vøllinum.
Sum skilst, so fær Eli F. Nielsen leikbannið eftir punkt fýra í vegleiðingini um leikbann. Tað er fyri at sparka ella sláa ein annan spælara, meðan bólturin antin ikki er í spæl, ella meðan spælið fyrigongur aðrastaðni á vøllinum.
Eli F. Nielsen skal sita uttan fyri í fýra dystir, tí í gjárkvøldið hevði hann leikbann fyri fýra gul kort í landskappingini. Eftir tað skal hann sita yvir í tríggjar dystir afturat. Eli verður tí ikki tøkur hjá B36 í dystum ímóti NSÍ, Víkingi, KÍ og HB. Eli kann spæla aftur ímóti EB/Streymi tann 23. juni.
Fyrr í dag fekk Jóhan Troest Davidsen, liðskipari hjá HB, leikbann í heilar seks dystir, fyri útvísingina eftir sama dyst.
B36 kann ikki kæra avgerðina.
Úr vegleiðingini um leikbann:
4. LEIKBANN 3 DYSTIR
Verður givið fyri grov brot sum m.a.:
- at sparka ella sláa, um bólturin ikki er í spælið, ella um spælið fer fram aðrastaðni á vøllinum.
