Manchester United hevur kunngjørt keypið av 24 ára gamla Mason Mount frá Chelsea. Prísurin sigst liggja um 500 milliónir krónur.
Enski landsliðsspælarin hevur verið settur í samband við Liverpool, men seinastu tíðina hevur tað ljóðað, at hann vil til Manchester United og Champions League fótbólt.
Mason Mount er uppvaksin í Chelsea og tað eru blandaðar kenslur í barndómsfelagnum, nú ein av teirra egnu fer til ein kappingarneyta. Mason Mount hevði eitt ár eftir av sáttmálan, so skuldi Chelsea hava pengar fyri hann, mátti hann seljast í summar.
Manchester United verður eisini sett í samband við málverjan hjá Inter Milan, André Onana.
