Nú er franska Bugatti bilverksmiðjan klár við avloysaranum fyri Bugatti Veyron.
Talan er um Bugatti Chiron við einum heilt nýggjum motori við 16 sylindarum og fýra stórum turboløðarum. Hann koyrir frá 0 til 100 km/t upp á 2,5 sekund, og toppferðin er elektroniskt avmarkað til 420 km/t.
Bugatti Chiron er við sínum 1500 hk tann mest máttmikli bilurin, sum nakrantíð er gjørdur til koyring á vanligum koyrivegi. Við hesum er Bugatti framvegis á toppinum í hierkinum av supersportsvognum.
Einans 500 Bugatti Chiron verða gjørdir, og ein triðingur av teimim eru longu seldir. Sambært eini kanning hjá bugatti eigur ein Chiron-kundi í miðal 42 bilar, eitt privatflogfar, tríggjar tyrlur og fýra hús.
Pláss er einans til tvey fólk í bilinum, sum kostar líka undir 50 milliónir krónur í Danmark.
Bugatti Chiron verður sýndur fram á stóru bilaframsýningini Geneve Motor Show, sum er í Sveis í hesum døgum. Niðan fyri eru myndir frá framsýningini.
Les meira um bilar á www.in.fo/bilar/
