Landsliðsvenjarar í kvinnuhondbólti eru Dragan Brljevic og Finnur Hansson. Í dag hava teir úttikið liðið, sum fyrst í næsta mánað skal spæla ímóti Rumenia og Danmark. Dysturin ímóti Rumenia verður á útivølli, og tann ímóti Danmark verður á heimavølli í Havn.
16 spælarar eru boðsendir, og helmingurin av teimum umboðar feløg í Íslandi og Danmark, meðan hinir spælararnir eru úr føroysku feløgunum – ein úr StÍF, ein úr Stjørnuni, tríggir úr Kyndli og tríggir úr H71.
Málverjar
Annika Fríðheim Petersen, Haukar
Rakul Wardum, Skanderborg Håndbold
Vengur
Guðrið Ellingsgaard, StÍF
Turið Arge Samuelsen, Kyndil
Ninna Katrin Johansen, Aalborg HK
Lív Sveinbjørnsdóttir Poulsen, Ajax København
Strikur
Bjarta Osberg Johansen, Kyndil
Pernille Brandenborg, Randers HK
Bakkar
Marita Mortensen, Vendsyssel Håndbold
Marianna Geirsdóttir Eystberg, Hellerup IK
Maria Halsdóttir Weyhe, H71
Súna Krossteig Hansen, Kyndil
Jana Mittún, H71
Kristianna Henneberg Joensen, Skovbakken
Durita Christophersen Jojic, Stjørnan
Lív Bentsdóttir Zachariasen, H71
Dystirnir vera spældir í ávikavist Mioveni í Rumenia mikudagin 6. oktober kl. 16.30 føroyska tíð, og í Høllini á Hálsi í Havn ímóti Danmark sunnudagin 10. oktober kl. 16.15.
