Hoyritól hava í nógv ár verið einasta hjálpin hjá teimum, ið hoyra illa. Men nú hava nakrar av teimum størstu heilivágsfyritøkunum møguliga funnið ein heilivág, ið kann styrkja hoyrnina.
Stóra helivágsfyritøkan Pfizer kannar nú ymsar prototýpur av heilivágnum. Tað eru serliga fólk, sum hoyra illa orsakað av aldurdómi, ið møguliga í framtíðini fara at kunna brúka heilivág til at styrkja hoyrnina. Hoyrnin hjá eldri fólki er ikki viknað orsakað av ov nógvum larmi, men av tí at evnini at hoyra gerast verri, jú eldri vit gerast.
Royndirnar við at kanna heilivág fyri at betra um hoyrnini hjá eldri fólki eru komnar í lag, eftir at fleiri heilivágsfyritøkur hava framleitt heilivág, ið hevur víst seg at hjálpa sjónveikum.
