Helgi og Kjartan gingu aftur undan í sigri

Føroyingarnir í Viking í Stavanger kunnu í kvøld fara í jólafrí á tryggum fremsta plássið, minst trý stig frammanfyri Fjellhammer á næstfremsta plássið.

Í dag vunnu føroyingarnir í Viking seinasta dystin fyri jól við 25-23 á Falk Horten, sum hevði fjórða plássið undan dystinum.

VIking byrjaði sera væl, og rann mótstøðuna niður, sum mátti taka time-out við støðuni 9-3 til Viking.

Munurin helt sær leingi, men tá ið munurin minkaði niður í trý mál sjey minuttir fyri leiklok var fjáltur á.

Munurin var á tveimum tá ið ein minuttur restaði í, og Viking tveitti bóltin burtur. Men Kjartan Johansen var skjótur aftur og fekk vart so mikið væl fyri, at trok var dømt. Viking fekk bóltin aftur og Kjartan Johansen setti hann í netið til 25-22 áðrenn Falk Horten minkaði til úrslitið 25-23 í allarseinasta sekundi.

Teir báðir føroyingarnir bóru aftur ovurstóra ábyrgd í dag.

Kjartan Johansen skoraði fimm ferðir, meðan Helgi Hildarson Hoydal var skrásettur fyri sjey mál og valdur dagsins leikari hjá Viking - ella "banens bedste" sum tey rópa tað.

Sí eisini:

Viking fult stigatal - Kjartan er toppskjútti í deildini

14 føroysk mál í enn einum teprum sigri

Kjartan og Helgi framvegis ósigraðir aftaná sjey dystir

Kjartan og Helgi vunnu grannauppgerð í allarseinastu løtu

Støðan í norsku fyrstu deild (handball.no) - Tvey tey fremstu eftir 22 dystir flyta beinleiðis upp í fremstu deildina: