Listamaðurin, Helgi Midjord, sum er úr Fuglafirði, hevur verið listamaður burturav í nógv ár.
Umframt at hava latið úr hondum nógvar oljumálningar, er hann eisini kendur fyri framúrskarandi høggmyndirnar, sum hanga í Mentanarhúsinum í Fuglafirði.
- Eisini hevur hann gjørt standmyndina, sum stendur úti í Hoyvíkstjørn í Havn.
Leggjast kann aftrat, at Helgi Midjord eisini hevur gjørt bonkin, ið er gjørdur úr gróti og jarnketum við fuglum, sum stendur í viðarlundini í Fuglafirði.
- Hesin bleiv gjørdur í sambandi við seinastu drotningavitjanina.
Helgi er eisini kendur úr tónleikleikalívinum sum gittarspælari og sangari, og í 2012 gav hann út fløguna við heitinum ”Um gáttina”.
- Hansara sermerktu málningar eru eitt nú við motivum úr hugaheimsins fjalda dýpi ella sálarligum speglingum, og eisini eru motivir úr náttúruni runt um í Føroyum.
Seinastu ferð, at Helgi Midjord hevði framsýning, var í 2011. Nú fáa føroyingar so aftur høvi at síggja listaverkini hjá honum.
Í tíðindaskrivi verður sagt, at framsýningin í Smiðjuni í Lítluvík er opin í døgunum, 21.-25. november frá klokkan 13.-18.
