talv
Tað eydnaðist ikki Helga Dam Ziska at røkka málinum, sum hann undan EM kappingini hevði sett sær. Helgi hevði sett sær fyri at røkka 50 prosentum í úrtøku. Tað vil siga 5,5 stigum í ellivu umførum.
Tá ið tað endaliga varð gjørt upp í gjárkvøldið var úrtøkan hjá Helga Dam Ziska 5,0 stig. Buturúr tveimum teimum seinastu umførunum fekk Helgi í alt 0,5 stig.
Fríggjadagin tapti Helgi ímóti enska stórmeistaranum Peter Wells, og í gjár endaði talvið ímillum Helga, sum sat við hvíta fólkinum, og týska Patrick Zelbel javnt. Styrkistalið hjá týskaranum var 2144, meðan styrkistalið hjá Helga Dam Ziska er 2389.
