Tað hevur verið greitt longi, at Viljormur í Heiðunum Davidsen og liðfelagarnir í Vejle flyta upp í superliguna komandi kappingarár.
Seinasta dystin í næstbestu deildini á hesum sinni skuldi Vejle avgreiða á útivølli móti Fremad Amager á Sundby leikvøllinum á Amager seinnapartin í dag. Viljormur var valdur til liðskipara.
Heimaliðið segði farvæl við Heina Vatnsdal og fimm aðrar spælarar, ið antin skulu royna seg aðrastaðni ella hava stillað fótbóltsstivlarnar.
Og sigast má, at Heini fekk ein góðan enda á síni yrkisleið í Fremad Amager. Fremad Amager vann ein greiðan 4-1 sigur í føroyingauppgerðini.
Úrslitið merkir, at Fremad Amager endar á einum flottum fjórða plássi við 49 stigum, trý stig aftanfyri FC Fredericia. Vejle er langt fremst við 68 stigum, níggju stig frammanfyri Viborg FF.
Fremad Amager-Vejle 4-1 (2-1)
23' 1-0 Reda Rabei
29' 1-1 Diego Montiel
32' 2-1 Emmanuel Toku
83' 3-1 Pierre Larsen
90' 4-1 Faris Zubanovic
Heini Vatnsdal hevur eins og in.fo hevur spátt í drúgva tíð gjørt sáttmála við KÍ, ið forrestin spælir í somu litum sum Fremad Amager, blátt og hvítt. Sáttmálan við KÍ er galdandi til 2022.
