Tað verður eingin minni enn Sir Bob Geldof, sum verður høvuðsfyrilestrahaldari á Vinnudegnum á vinnudegnum, sum verður í Norðurlandahúsinum Havn tann 27. september
Bob Geldof, heimskendur tónleikari, fyrilestrarhaldari og íverksetari. Eitt nú var hann høvuðsmaður fyri heimsumfatandi Live Aid og Band Aid koncertirnar.
Hann er eisini oddamaður í bólkinum Boom Town Rats, sum serliga hevði eitt heimskent lag, sum eisini varð nógv spælt í Føroyum, nevniliga I Don´t Like Mondays.
Á Vinnudegnum fer hann at halda ein fyrilestur um at gera mun, har hann fer at tosa um heimsmálini hjá ST, um tað, hann kallar etiska ábyrgd og um tørvin á samstarvi fyri at røkka úrslitinum.
Annars verða tríggir frilestrar á vinnudegnum og hinir báðir fyrilestrarhaldararnir verða Cleopatra Doumbia-Henry,doktari, og Peter Lund Madsen.
Og, sum vant, fara tey eisini at velja Ársins Virki og ársins vinnuliga átak.
