Tað var í 2007, at vektin hjá Manuel Uribe vísti 597 kilo, men eftir eitt klænkingarátak eydnaðist tað honum at fáa vektina niður á 394 kilo.
Manuel Uribe orkaði ikki upp á beinini, og tá hann bleiv fluttar á sjúkrahús fyri trimum vikum síðani, mátti hann flytast við einum krana. Hesin flutningshátturin bleiv eisini brúktur, tá Manuel Uribe giftist fyri seks árum síðani.
Á sjúkrahúsinum siga tey, at Manuel doyði av óregluligum hjartalagi, ið hevði samband við, at hann hevði ov lítið av vætu í beinunum.
Eins og í grannalandinum USA stríðast nógv fólk í Meksiko við fiti. Sambært heilsumyndugleikunum eru 71 prosent av øllum vaksnum meksikanarum ov feitir, og triðja hvørt barn hevur sama trupulleika.
