Tveir føroyingar vóru við í DM í amboðsfimleiki fyri lið, sum var í Tårnby Gymnastikhal um vikuskiftið.
Talan var um Elinborg Tróndardóttir Durhuus, sum var á liðnum hjá VIK-Aarhus, og Øssur Debes Eiriksfoss, sum var á liðnum hjá Gefion úr Keypmannahavn.
Leygardagin, tá ið kappast var ”allround”, fingu Øssur og menninir hjá Gefion, silvurheiðursmerki, og Elinborg, og hinar kvinnurnar hjá VIK-Aarhus, fingu bronsu.
Dagin eftir, tá ið kvinnurnar kappaðust í amboðsfinalunum, gjørdust kvinnurnar hjá VIK-Aarhus nummar tvey í lopi um hest og vunnu sostatt silvur
Á myndini eru tað Øssur og Elinborg eftir ”all-round” kappingina leygardagin. Myndina tók Anni Kyster.
