Aftur i morgun hava føroyskir svimjarar gjørt um seg á Reykjavík International 2017. Alisa Vestergaard úr Suðuroyar svimjifelag vann gull í 100 rygg og 200 frí, meðan Rebekka Trygvadóttir úr Ægir vann gull í 200 bringu, og Petra A. Nielsen bronsu. Rebekka vann eftir øllum at døma eisini silvur í 200 firvald, og bronsu í 200 frí, skrivar svimjing.com.
Í gjár gekk eisini væl. Í 50 rygg vann Alisa Vestergaard úr Suðuroyar Svimjifelag gull í yngra bólkinum við 34.12. Í 50 bringu vann Rebekka Trygvadóttir úr Ægir gull í yngra bólkinum við 36.58, og Petra A. Nielsen úr Suðuroyar Svimjifelag silvur við 38.41.
Í 400 blandað vann Rebekka Trygvadóttir úr Ægir gull í yngra bólkinum við 5:37.96, og Sára R. Nysted úr Suðuroyar Svimjifelag gull í eldra bólkinum við 4:59.90. Í 50 frí Alisa Vestergaard úr Suðuroyar Svimjifelag gull í yngra bólkinum við 28.88.
Í 800 frí vann Alisa Vestergaard úr Suðuroyar Svimjifelag silvur í yngra bólkinum við 9:42.24, og Sára R. Nysted úr Suðuroyar Svimjifelag gull í eldra bólkinum við 9:18.19.
