Hetta metið tók hann frá Poul Michelsen, sum átti metið einsamallur frá 1992, tá hann tók metið frá Mads Andreas Jacobsen, sum var borgarstjóri frá 1. januar í 1933 til hann doyði 31. mai í 1944. Tá hevði Mads A. Jacobsen sitið sum borgarstjóri í 11 ár og 5 mánaðir.
Tá Heðin Mortensen fór frá sum borgarstjóri 31. desember í 2016 tangeraði hann metið hjá Poul Michelsen, ið var júst 12 ár, og tað metið tók hann so á midnátt.
Og nýggi borgarstjórin skal til arbeiðis alt fyri eitt – hann sleppur ikki at bíða til mánadagin, tí longu í dag skal hann gifta eitt par, og aftur í morgin skal hann gifta annað parið.
Gerandisdagurin hjá Heðini Mortensen sum borgarstjóri byrjar annars mánamorgunin, tá hann fer til arbeiðis á skrivstovuni á Vaglinum í Havn.
