HB hevur í morgun vunnið steypakappingina fyri dreingir undir 14 ár. HB vann finaluna 1-0 móti KÍ í einum intensum og spennandi dysti.
Einsamalla málið í dystinum skeyt Sveinur Lava Olsen, tá umleið tíggju minuttir vóru farnir av øðrum hálvleiki. Málið kom eftir at Sveinur hevði snýtt nakrar verjuleikarar hjá KÍ, og síðani smekkaði bóltin í netið.
Eftir at HB kom á odda 1-0, royndi KÍ at trýsta fyri at fáa útjavnandi málið, og fleiri ferðir vóru teir nær við.
Seinastu løtuna av dystinum, var HB tó um reppið at økja til 2-0.
Samanumtikið ein jøvn og spennandi U-14 finala, har HB at enda dró tað longra stráðið.
Klokkan 12:00 verður onnur steypafinalan í dag. Hon verður hjá U-14 gentum, har B68 og EB/Streymur spæla finaluna um Eilif Arge steypið.
HB-KÍ 1-0 (0-0)
1-0 Sveinur Lava Olsen.
