Í gjár fór HB um Suðuroyarfjørð. Øll tøl tala fyri, at tað skal eydnast at hava úrtøkui við sær av Krambatanga í kvøld.
HB hevur fulla úrtøku eftir fimm umfør, og TB vann fyrsta stigið í Gøtu mánadagin.
Tað eru átta ár síðani, at TB síðst vann fulla úrtøku ímóti HB. Tað var í 2012, tá ið úrslitið var 4-2 við Stórá í Trongisvági.
Hóast TB ikki hevur vunnið síðani í 2012, so hevur tað fleiri ferðir eydnast at vinna stig ímóti HB. Í 2015 endaði tað 1-1, í 2016 endaði annar dysturin 0-0 og hin 1-0 til HB, í 2017 endaði tað málleyst, í 2018 vann HB 1-0, og í fjør endaði tað 1-1.
Hugburðurin í Sarpugereði 2. hvítusunnudag, tá ið tað endaði 1-1, hevur av álvara kveikt vónina hjá TB um, at tað skal eydnast ídag.
Hóast Adrian Justinussen ikki var við, so vísti HB í 4-2 sigrinum ímóti B36 mánadagin, hvussu væl teirra lið er fyri.
Umframt Adrian Justinussen er Jógvan Rói Davidsen framvegis skaddur, og so eru tað langtíðarskaddur Tróndur Jensen, Hørður H. Askham, Jákup L. Thomsen og Teit Jacobsen.
Hjá TB verður Meinhardt P. Joensen aftur í dag millum stólparnar. Eirikur M. Ellendersen og Bartal Gram eru skaddir.
Higartil í ár hevur álopsspælarin Ken Fagerberg verið millum lítið og einki á vøllinum.
Fleiri spælarar eru so mikið skaðadarvaðir, at tað er ivasamt, um teir eru førir fyri at spæla – Rógvi Joensen, Musah Arma og Sebastian Kroner.
TB – HB: Rani A. Skaalum kl. 15.00.
