Einki røkist enn fyri, at Føroyar fara at gera sum grannalondini og steingja føroyskar havnir fyri russiskum skipum.
Kríggið í Ukraina ávirkar ikki russiska virksemi í Føroyum. Í Havn er stórt virksemi við russiskum skipum í dag, nú ikki færri enn sjey russisk skip vitja høvuðsstaðin – sama dag sum uttanríkisráðharri okkara, Høgni Hoydal, hevði vitjan av danska verjumálaráðharranum, Troels Lund Poulsen.
Á skipasmiðjuni stendur ein russsikur trolari, sum verður vaskaður, pussaður og málaður. Ein annar nýmálaður trolari liggur við Kjartansmola, á molanum liggja tveir stórir russar, og úti við Skansabryggjuna liggja eisini tveir.
Úti í Nólsoyarfirði er tann sjeyndi russarin á veg inn at avgreiða síni ørindi.
Flokkarnir, sum nú manna landsstýrið, stóðu saman í heyst og vildu slíta fiskiveiðuavtaluna við Russland og útihýsa russiskum skipum.
So skrivaði eitt valevni hjá Tjóðveldinum í Klaksvík eitt lesarabræv, so so broyttist alt til, at »málið má kannast ordiliga« – og tjóðveldismaðurin kom á ting.
Síðani er einki hent.
##med2##
Men á tingfundi mikudagin, tá Jenis av Rana setti løgmanni munnligan fyrispurning um júst hetta samstarvið, svaraði løgmaður, at landsstýrið kemur til eina niðurstøðu í hesum mánaðinum.
Men einki tingfólk tók orðið, og tí varð einki orðaskifti um fyrispurningin til løgmann.
Russararnir, sum í dag vitja Havnina eru:
• Zakar Sorokin
• Lira
• Karelia
• Yantarnyy
• Melkart 4
• Melkart 5
• Kurskskaya
Sum skilst eru tað trolarar, sum umskipa veiðuna, ið síðani verður seld – í fleiri førum til Afrika ella onnur lond, ið enn vilja handla við Russland, og soleiðis útvega russisku reiðaríunum fremmant gjaldoyra.
##med3##
##med4##
